રાષ્ટ્રીય સ્વયંસેવક સંઘની અખિલ ભારતીય “પ્રાંત પ્રચારક બેઠક” શરૂ

રાંચી, 12 જુલાઈ, રાષ્ટ્રીય સ્વયંસેવક સંઘની અખિલ ભારતીય “પ્રાંત પ્રચારક બેઠક” આજે રાંચી, ઝારખંડ ના રાંચી ખાતે શરૂ થઇ.

વિશ્વ સંવાદ કેન્દ્ર તરફથી આજે જણાવ્યું હતું કે આ બેઠક 14 જુલાઈના રોજ સાંજે 6 વાગ્યા સુધી ચાલશે. બેઠકમાં સરસંઘચાલક ડો. મોહનજી ભાગવત, સરકાર્યવાહ દત્તાત્રેય હોસાબલેજી તે ઉપરાંત બધાજ સહ-સરકાર્યવાહ, પ્રાંત પ્રચારકો/સહ-પ્રાંત પ્રચારકો અને ક્ષેત્ર પ્રચારકો/સહ-ક્ષેત્ર પ્રચારકો ઉપસ્થિત છે. એ સિવાય તમામ કાર્ય વિભાગોના અખિલ ભારતીય અધિકારીઓ અને સંઘ પ્રેરિત વિવિધ સંગઠનોના અખિલ ભારતીય સંગઠન મંત્રીઓ પણ ઉપસ્થિત રહશે.

બેઠકમાં આ વર્ષે યોજાયેલા સંઘ શિક્ષા વર્ગો અને કાર્યકર્તા વિકાસ વર્ગોની સમીક્ષા થશે, સંઘ શતાબ્દી કાર્ય વિસ્તાર યોજનામાં અત્યાર સુધીમાં થયેલી પ્રગતિ, સામાજિક પરિવર્તનના વિષયો પર અનુભવોનું આદાન-પ્રદાન અને વર્તમાન પરિદૃશ્યના સંદર્ભમાં ચર્ચા થશે.