India News
Entertainment
ગુજરાતી કોમેડી ફિલ્મ ‘કમાલ છે તું કાકુ’ની પ્રેક્ષકોએ કરી પ્રશંસા
~ગુજરાતી કોમેડી ફિલ્મ ‘કમાલ છે તું કાકુ’નો અમદાવાદમાં ભવ્ય પ્રીમિયર યોજાયો. પ્રેક્ષકોએ ફિલ્મની કોમેડી અને મનોરંજનની પ્રશંસા કરી.
Ahmedabad, Gujarat, Oct 25 (VNI): ગુજરાતી ફિલ્મ ‘કમાલ છે તું કાકુ’નો પ્રીમિયર શો અમદાવાદ ખાતે ભવ્ય રીતે યોજાયો હતો. પ્રીમિયર શો નિહાળ્યા બાદ પ્રેક્ષકોએ ફિલ્મની કોમેડી, મનોરંજન અને રજૂઆતની પ્રશંસા કરી હતી. ઉપસ્થિત મહેમાનોએ ફિલ્મને વર્ષ 2026ની એક સરસ કોમેડી ફિલ્મ ગણાવી હતી.
આ પ્રસંગે ફિલ્મના કલાકારો, કસબીઓ, ગુજરાતી ફિલ્મ ઇન્ડસ્ટ્રીના મહાનુભાવો અને મીડિયા કર્મીઓ ઉપસ્થિત રહ્યા હતા. પ્રીમિયર શોમાં તમામ મહેમાનોએ ફિલ્મ નિહાળી હતી અને ત્યારબાદ મીડિયા સમક્ષ પોતાના પ્રતિભાવો વ્યક્ત કર્યા હતા. મહેમાનોએ ફિલ્મની કોમેડી અને મનોરંજનની પ્રશંસા કરતાં ફિલ્મને દર્શકો માટે મનોરંજનથી ભરપૂર ગણાવી હતી.
ફિલ્મના લેખક, દિગ્દર્શક અને નિર્માતા સત્યમ રાજ તથા સહનિર્માતા સાગર પાર્સદ સહિત ફિલ્મની સમગ્ર ટીમે ગુજરાતી દર્શકોને ‘કમાલ છે તું કાકુ’ નિહાળવા અપીલ કરી હતી. ફિલ્મની ટીમે દર્શકોને નજીકનાં સિનેમાઘરોમાં જઈને ફિલ્મ નિહાળવા અને ગુજરાતી સિનેમાને પ્રોત્સાહન આપવા અનુરોધ કર્યો હતો.
ફિલ્મના પ્રીમિયર શો અને પબ્લિસિટીનું આયોજન સિનેમેજિક (Cinemagic) દ્વારા સફળતાપૂર્વક કરવામાં આવ્યું હતું. ગુજરાતી ફિલ્મોના પ્રમોશન અને પ્રચાર-પ્રસાર ક્ષેત્રે સક્રિય સિનેમેજિક દ્વારા ફિલ્મને વધુમાં વધુ દર્શકો સુધી પહોંચાડવાના ઉદ્દેશ્યથી આ વિશેષ આયોજન કરવામાં આવ્યું હતું.
‘કમાલ છે તું કાકુ’ને મળેલા પ્રતિસાદથી ફિલ્મની ટીમમાં ઉત્સાહ જોવા મળ્યો હતો. ગુજરાતી સિનેમાના દર્શકોને મનોરંજન પૂરું પાડવાના આશય સાથે ફિલ્મની ટીમે વધુમાં વધુ લોકોને ફિલ્મ જોવા અને ગુજરાતી ફિલ્મ ઇન્ડસ્ટ્રીને પ્રોત્સાહન આપવા અપીલ કરી હતી. VNI NEWS, કમાલ છે તું કાકુ, ગુજરાતી કોમેડી ફિલ્મ, કમાલ છે તું કાકુ પ્રીમિયર, ગુજરાતી ફિલ્મ 2026, સત્યમ રાજ, સાગર પાર્સદ, સિનેમેજિક, અમદાવાદ ફિલ્મ પ્રીમિયર, Kamal Chhe Tu Kaku, Gujarati Comedy Film, Gujarati Cinema 2026, Satyam Raj, Sagar Parsad, Cinemagic, Ahmedabad Film Premiere, Gujarati Film Industry, VNINews, VNINews.com
Lifestyle
ગાંધીનગરમાં ૨૯ નવેમ્બરે બી.કે. શિવાની દીદીનો આધ્યાત્મિક કાર્યક્રમ, ‘નયે વર્ષ મેં સંસ્કાર પરિવર્તન સે સંસાર પરિવર્તન’ વિષય પર આપશે માર્ગદર્શન
~BK Shivani Didi will address a free spiritual programme in Gandhinagar on November 29, 2026, on transforming the world through values and positive change.
Gandhinagar, Gujarat, Oct 31 (VNI) : પ્રજાપિતા બ્રહ્માકુમારી ઈશ્વરીય વિશ્વ વિદ્યાલય દ્વારા ગાંધીનગરના રંગમંચ, સેક્ટર-૨૮ ખાતે રવિવાર, ૨૯ નવેમ્બર ૨૦૨૬ના રોજ સાંજે ૫ વાગ્યે જાણીતા આંતરરાષ્ટ્રીય મોટિવેશનલ સ્પીકર બી.કે. શિવાની દીદીના આધ્યાત્મિક કાર્યક્રમનું આયોજન કરવામાં આવ્યું છે. ‘નયે વર્ષ મેં સંસ્કાર પરિવર્તન સે સંસાર પરિવર્તન’ વિષય પર યોજાનારા આ કાર્યક્રમમાં શિવાની દીદી જીવનમાં સકારાત્મક પરિવર્તન અને આધ્યાત્મિક ચિંતન અંગે માર્ગદર્શન આપશે.
બી.કે. ભરતભાઈ શાહે આજે અહીં જણાવ્યું હતું કે શિવાની દીદીના કાર્યક્રમો દેશ-વિદેશમાં એકથી બે વર્ષ અગાઉથી જ નિર્ધારિત થઈ જતા હોય છે. તેમ છતાં બ્રહ્માકુમારી સેક્ટર-૨૮ સેવાકેન્દ્રનાં પ્રભારી રાજયોગીની કૈલાશ દીદીના વિશેષ પ્રયાસોથી ગાંધીનગરમાં શિવાની દીદીને રૂબરૂ સાંભળવાનો આ સુવર્ણ અવસર પ્રાપ્ત થયો છે. આ કાર્યક્રમના આયોજનમાં ચિલોડા સેવાકેન્દ્રનાં પ્રભારી બી.કે. તારાબેન, ઉર્જાનગર-૧નાં પ્રભારી બી.કે. રંજનબેન, સેક્ટર-૨/સીનાં પ્રભારી બી.કે. ભાવનાબેન, સરગાસણનાં પ્રભારી બી.કે. મેઘાબેન, સેક્ટર-૫/એનાં પ્રભારી બી.કે. તૃષાબેન, કુડાસણનાં પ્રભારી બી.કે. ખુશ્બુબેન, સરગાસણ-૨નાં પ્રભારી બી.કે. સેજલબેન અને સરઢવનાં પ્રભારી બી.કે. જુગનુબેનનો પણ મહત્વપૂર્ણ સહયોગ મળ્યો છે.
આજના વ્યસ્ત જીવનમાં ઉચ્ચ હોદ્દા અને મોટી જવાબદારીઓ સંભાળતા અનેક લોકો સમયના અભાવે પણ સવારે ઊઠતાંની સાથે અથવા રાત્રે સૂતાં પહેલાં શિવાની દીદીના વીડિયો, શોર્ટ્સ અને સ્લોગન્સ નિયમિત રીતે નિહાળે છે. તેમના આધ્યાત્મિક વિચારો અને હૃદયસ્પર્શી સંદેશાઓ જીવનની વિવિધ સમસ્યાઓનો સહજ ઉકેલ મેળવવામાં મદદરૂપ બને છે. આવા લોકો માટે હવે પોતાના જ ગાંધીનગરમાં શિવાની દીદીને રૂબરૂ સાંભળવાનો સુંદર અવસર ઉપલબ્ધ થયો છે.
આ કાર્યક્રમ નિઃશુલ્ક રાખવામાં આવ્યો છે. કાર્યક્રમ સ્થળ રંગમંચ, સેક્ટર-૨૮, ગાંધીનગરની બેઠક ક્ષમતા મર્યાદિત હોવાથી વહેલા તે પહેલાંના ધોરણે રજિસ્ટ્રેશન કરાવવું જરૂરી છે. આયોજકોએ રસ ધરાવતા લોકોને વિના વિલંબે આપવામાં આવેલી લિંક મારફતે પોતાનું નામ નોંધાવવા અપીલ કરી છે. એક જ મોબાઇલ નંબર પરથી એક કરતાં વધુ વ્યક્તિઓનાં અલગ-અલગ નામે રજિસ્ટ્રેશન કરાવી શકાશે. VNI NEWS, બી.કે. શિવાની દીદી ગાંધીનગર, શિવાની દીદી આધ્યાત્મિક કાર્યક્રમ, બ્રહ્માકુમારી ગાંધીનગર, રંગમંચ સેક્ટર ૨૮, સંસ્કાર પરિવર્તન સે સંસાર પરિવર્તન, BK Shivani Didi, Brahma Kumaris, Gandhinagar, Spiritual Programme, Rajyogini Kailash Didi, Rangmanch Sector 28, Spiritual Motivation, Sanskar Parivartan, VNINews, VNINews.com
Latest News
Everything You Wanted to Know About mega city’s
A wonderful serenity has taken possession of my entire soul, like these sweet mornings
Metro city’s should make road with protection In mind
I am alone, and feel the charm of existence in this spot, which was created for the bliss of souls like mine.
Go For Western Economy With These Pioneering
but it is too much for my strength — I sink under the weight of the splendour of these visions! I am alone, and feel the charm of existence in…
Where to travel asia Kind Mid Spirit
I am alone, and feel the charm of existence in this spot, which was created for the bliss of souls like mine.
Cargo industry welcome foreign investment
Aenean feugiat purus vitae sollicitudin laoreet. Duis fringilla ligula vel velit lacinia, in mattis felis consectetur. Sed at pretium orci. Ut tempus libero odio, sit amet consequat neque pretium ut.…