મૈરિંગો સિમ્સ હોસ્પિટલે પાંચ અંગદાન સાથે એક જ દિવસમાં પાંચ જિંદગી બચાવી સિદ્ધિ હાંસલ કરી

અમદાવાદ,26 જૂન, ગુજરાત માં મૈરિંગો સિમ્સ હોસ્પિટલે પાંચ અંગદાન સાથે એક જ દિવસમાં પાંચ જિંદગી બચાવી સિદ્ધિ હાંસલ કરી છે.

મૈરિંગો સિમ્સ હોસ્પિટલ તરફથી આજે જણાવવામાં આવ્યું કે મૈરિંગો સિમ્સ હોસ્પિટલે સફળતાપૂર્વક પાંચ જીવન બચાવ્યા હતા. એક જ બ્રેઈન ડેડ વ્યક્તિના શરીરમાંથી 5 અંગો સફળતાપૂર્વક મેળવી એક જ દિવસમાં પાંચ જીવનરક્ષક ટ્રાન્સપ્લાન્ટ થયા. આ સીમાચિહ્ન અદ્યતન તબીબી સંભાળ માટે હોસ્પિટલની પ્રતિબદ્ધતા અને પ્રાપ્તકર્તાઓ અને તેમના પરિવારોના જીવન પર અંગ દાનની અગત્યતા અને સમાજ પ્રત્યે એક કૃતજ્ઞતા દર્શાવે છે.

એમણે કહ્યું કે અમે ભાભર, ગુજરાતના 35 વર્ષીય રહેવાસી અને તેમના પરિવારના બહાદુરીભર્યા અને નિઃસ્વાર્થ કાર્યને સલામ કરીએ છીએ, જેમણે એક ગંભીર અકસ્માત બાદ કરુણ રીતે પોતાનું જીવન ગુમાવ્યું અને બ્રેઈન-ડેડ જાહેર થયા હતા પરંતુ તેમના પરિવાર દ્વારા તેમના અંગોનું દાન કરીને અમરત્વ પામ્યા હતા, જેનાથી અનેક લોકોને નવું જીવન મળ્યું. દાતા (ડોનર),જેમને મૈરિંગો સિમ્સ હોસ્પિટલમાં દર્દી તરીકે દાખલ કરવામાં આવ્યા હતા, અને ડોક્ટર દ્વારા બ્રેઈન ડેડ જાહેર કરાયા હતા, જેમના પરિવારે આ નિર્ણય થકી ટ્રાન્સપ્લાન્ટની ગંભીર જરૂરિયાત ધરાવતા લોકો માટે જીવનમાં એક બીજી સુવર્ણ તક પૂરી પાડી છે.

એમણે જણાવ્યું કે 20 જૂન 2024ના રોજ, મૈરિંગો સિમ્સ હોસ્પિટલની તબીબી અને સહાયક અનુભવી ટીમોની કુશળ કામગીરીથી, બ્રેઈન ડેડ દર્દીના હૃદય, બંન્ને કિડની, લીવર અને કોર્નિયાને સફળતાપૂર્વક કાઢી લેવામાં આવ્યા હતા. આ અંગ દાનના પરિણામે 5 પ્રાપ્તકર્તાઓને નવજીવન મળ્યું હતું અને તેમની જીવનશૈલી માં નોંધપાત્ર સુધારો થયો છે, જે અંગ દાનના મહત્વપૂર્ણ મહત્વ અને પ્રભાવને દર્શાવે છે. 35-40 ડોકટરો અને અન્ય 30 પેરામેડિકલ સ્ટાફની સમર્પિત ટીમના અથાગ પ્રયત્નો અને કુશળતા થકી ચાર સફળ પ્રત્યારોપણ (1 હૃદય, 2 કિડની અને 1 લીવર) મૈરિંગો સિમ્સ હોસ્પિટલમાં થઇ શક્યા હતા.

ડૉ. ધીરેન શાહ, ડાયરેક્ટર, હાર્ટ ટ્રાન્સપ્લાન્ટ અને કાર્ડિયોથોરાસિક સર્જરી, મિકેનિકલ સર્ક્યુલેટરી સપોર્ટ (MCS), મૈરિંગો સિમ્સ હોસ્પિટલ કહે છે, “52મુ હાર્ટ ટ્રાંસપ્લાંન્ટ કરવા સાથે-સાથે, એક જ વ્યક્તિ દ્વારા પાંચ અંગોના દાન અને એક જ દિવસમાં પાંચ જીવનરક્ષક ટ્રાન્સપ્લાન્ટના અવિશ્વસનીય મેડિકલ સિદ્ધિ અમે હાંસિલ કરી. મૈરિંગો સિમ્સ હોસ્પિટલની સમગ્ર ટીમના અસાધારણ કાર્યક્ષમતા અને અનુભવને બિરદાવીએ છીએ જે મૈરિંગો સિમ્સને નવી-નવી સિદ્ધિઓ હાંસલ કરવા અને જીવન બચાવવા માટે  પ્રેરિત કરે છે. અમે સફળ ટ્રાન્સપ્લાન્ટ કરવાના આ ઉમદા કાર્યને આગળ વધારવા અને એક નવી આશા અને અદ્યતન સારવારને  પ્રોત્સાહન આપવા માટે પ્રતિબદ્ધ છીએ.”

મૈરિંગો સિમ્સ હોસ્પિટલના ચેરમેન ડૉ કેયુર પરીખ કહે છે, “મૈરિંગો સિમ્સ હોસ્પિટલ દ્વારા એક જ દિવસમાં એક બ્રેન ડેડ વ્યક્તિ દ્વારા પાંચ અંગોના દાન અને 5 વ્યક્તિને નવજીવન આપીને સીમાચિહ્ન હાંસિલ કરી છે. તે કરુણાની શક્તિ અને તબીબી શ્રેષ્ઠતાના સમન્વયને દર્શાવે છે. આ અદ્ભુત સિદ્ધિ આપણી અટલતાને પ્રતિબિંબિત કરે છે. અદ્યતન આરોગ્યસંભાળ પૂરી પાડવાની પ્રતિબદ્ધતા અને અંગદાતાઓ અને તેમના પરિવારોની અવિશ્વસનીય ઉદારતા અમને અમારી ટીમના સમર્પણ અને કમ્યુનિટીના સમર્થન પર ખૂબ જ ગર્વ છે, જે અમને દર્દીઓના જીવન પર આટલી નોંધપાત્ર અસર કરવા સક્ષમ બનાવે છે. અમે અંગ પ્રત્યારોપણના આ પ્રયત્નને આગળ વધારવા અને અંગદાનની ભેટ દ્વારા જીવન બચાવવાનું મિશન ચાલુ રાખીશું.”

ડો રાજીવ સિંઘલ, મૈરિંગો એશિયા હોસ્પિટલના મેનેજિંગ ડિરેક્ટર અને ગ્રૂપ CEO  કહે છે, “અંગ દાન માનવીય કરુણા અને સર્વોચ્ચ સેવાને દર્શાવે છે, જ્યાં મૃત વ્યક્તિઓના પરિવારો વિવિધ  પ્રાપ્તકર્તાઓને જીવનની ભેટ આપી એક સમાજને ઉમદા ઉદાહરણ પૂરું પાડે છે. અમે લાખો પરિવારોની પ્રશંસા કરીએ છીએ જેમણે આવી નોંધપાત્ર હિંમત બતાવી છે. ઉદારતાનું આ કાર્ય ક્લિનિકલ ચોકસાઇ અને અસાધારણ સર્જિકલ કુશળતાને સન્માન કરવાની જવાબદારી સાથે આવે છે. મૈરિંગો સિમ્સ હોસ્પિટલે અંગ પ્રત્યારોપણમાં આ પ્રતિબદ્ધતા સતત બતાવી છે અને આ અદ્યતન પ્રોસીજર્સ માટે શ્રેષ્ઠતાના કેન્દ્ર તરીકે માન્યતા પ્રાપ્ત કરી છે. અમે અમારી ‘પેશન્ટ ફર્સ્ટ’ વિચાર સાથે અડગ રહીએ છીએ, ક્લિનિકલ પરિણામોને સુધારવા અને સંભાળના ધોરણોને વધારવા માટે સતત પ્રયત્નશીલ છીએ.”

એમણે કહ્યું કે અમે શ્રી દિલીપ દેશમુખ, અંગદાન ચેરીટેબલ ટ્રસ્ટ અને ઠક્કર સમુદાયના તેમના ઉદાર સમર્થન અને યોગદાન માટે આભારી છીએ. મૈરિંગો સિમ્સ  હોસ્પિટલ અંગ દાનની પહેલ  અને અંગ દાન કાર્યક્રમોમાં સહભાગિતા અંગે જાગૃતિ લાવવાનું ઉમદા કાર્ય કાયમ કરે છે  જેનો ઉદ્દેશ્ય ટ્રાન્સપ્લાન્ટ માટે જોવી પડતી રાહ અને ભવિષ્યમાં વધુ ને વધી અંગદાન અને ટ્રાન્સપ્લાન્ટ થાય તે છે.

અંગ દાન એ ઉદારતાનું શ્રેષ્ઠ ઉદાહરણ  છે, જે જીવનમાં પરિવર્તન લાવવાની શક્તિ ધરાવે છે. અંગ દાતા બનવાનું પસંદ કરીને, વ્યક્તિઓ ટ્રાન્સપ્લાન્ટની અત્યંત જરૂરિયાતવાળા લોકોને જીવનમાં બીજી તક પૂરી પાડી શકે છે. તે એક નિઃસ્વાર્થ નિર્ણય છે જે માત્ર જીવન બચાવે છે પરંતુ પ્રાપ્તકર્તાઓ અને તેમના પરિવારોને આશા અને નવેસરથી સ્વાસ્થ્ય પ્રદાન કરે છે. અમે દરેક વ્યક્તિને અંગ દાતા બનવા માટે પ્રોત્સાહિત કરીએ છીએ, કારણ કે દરેક દાનમાં સ્થાયી અને અર્થપૂર્ણ તફાવત લાવવાની ક્ષમતા હોય છે. સાથે મળીને, આપણે ભાવિ પેઢીઓ માટે જીવન બચાવવાની  અને અદ્યતન સારવારની એક રાહ  બતાવી  શકીએ છીએ