Ahmedabad, Oct 27, ગુજરાત ટેક્નોલોજીકલ યુનિવર્સિટી (GTU) એ પેટન્ટ ક્ષેત્રે વધું એક સિદ્ધિ હાંસલ કરી છે.
GTU તરફથી આજે જણાવવામાં આવ્યું કે GTU ભારતમાં નવીનતા માટેના અગ્રણી યોગદાનકર્તા તરીકે પ્રખ્યાત છે,તેની બૌદ્ધિક સંપત્તિ અધિકાર (IPR) નીતિ હેઠળ નવીન વિકાસને પ્રોત્સાહન આપવા બદલ નોંધપાત્ર માન્યતા મેળવી છે.
તેમણે જણાવ્યું કે યુનિવર્સિટીના એપ્લાઇડ સાયન્સ એન્ડ ટેક્નોલોજી (SAST) શાળાએ “બાયોમાસના ઝડપી વિભાજન માટેનું ચેમ્બર” આવિષ્કાર માટે ઉપયોગિતા પેટન્ટ ગ્રાન્ટ (ભારતીય પેટન્ટ નંબર – 553052) મેળવ્યું છે. ડૉ. ચંદ્રશેખર મૂટાપલ્લી અને ડૉ. નીલમ નાથાણી સાથે પીએચ.ડી. સ્કોલર પાર્થકુમાર પ્રજાપતિ,કામધેનુ યુનિવર્સિટીના ફેકલ્ટી – ડૉ. વિવેક શ્રીવાસ્તવ અને ઇકો સન કાર્પ એફ.આર.પી. અને બાયોટેક સોલ્યુશનના સી.ઇ.ઓ. અને ફાઉન્ડર સંજય ચૌહાન સાથે સહયોગ કરીને વીજળીના ઉપયોગ વિના બાયોમાસ અને પાણીને અલગ પાડવા સક્ષમ એક કોમ્પેક્ટ ઉપકરણ વિકસાવ્યું છે, જે હાઇડ્રોપોનિક્સ, એક્વાપોનિક્સ અને બાયોફ્લોક એક્વાકલ્ચર સિસ્ટમ્સના ક્ષેત્રોમાં ક્રાંતિ લાવી શકવાની ક્ષમતા ધરાવે છે.આ નવીનતા પ્રધાનમંત્રી નરેન્દ્ર મોદીના “આત્મનિર્ભર ભારત”ના દ્રષ્ટિકોણ સાથે સુસંગત છે, કારણ કે તે ટેક્નોલોજીમાં આત્મનિર્ભરતાને પ્રોત્સાહન આપતી વખતે સ્થાયી ખેતી, જળકૃષિ પ્રથાઓને વધારે છે.
ગુજરાત ટેક્નોલોજીકલ યુનિવર્સિટી સતત નવીનતાકર્તાઓને સશક્તિકરણ કરવા અને સંશોધન અને વિકાસ દ્વારા રાષ્ટ્રના વિકાસમાં ફાળો આપવા માટે સમર્પિત છે. આ અદ્યતન ઉપકરણનું સફળ પેટન્ટ જી.ટી.યુ.ના વિજ્ઞાન અને ટેક્નોલોજીમાં ઉત્કૃષ્ટતાના મિશનનું પ્રતિક છે.યુનિવર્સિટીના કુલપતિ ડૉ. રાજુલ કે.ગજ્જર અને કુલસચિવ ડૉ. કે એન ખેર અને કે.યુ. વચ્ચેના સક્રિય એમ.ઓ.યુ.હેઠળ તેમના ઉત્કૃષ્ટ કાર્ય માટે સહયોગી પ્રયત્નોની પ્રશંસા કરી છે.
