Ahmedabad, Gujarat, Mar 22, ગુજરાત ના અમદાવાદમાં પુસ્તક પરિચય’ કાર્યક્રમનું આજે આયોજન કરવામાં આવ્યું.
કવિ મનીષ પાઠક ‘શ્વેત’એ જણાવ્યું કે ૨૨ માર્ચ, શનિવારે, સાંજે ૦૫૩૦ કલાકે,ગોવર્ધનસ્મૃતિ મંદિર સભાગૃહ,ગુજરાતી સાહિત્ય પરિષદ,આશ્રમ રોડ,અમદાવાદ ખાતે ઓમ કૉમ્યુનિકેશન દ્વારા ‘પુસ્તક પરિચય’ કાર્યક્રમનું આયોજન કરવામાં આવ્યું.
‘પુસ્તક પરિચય’ અંતર્ગત સાહિત્યસર્જક નિરંજન ભગતના પુસ્તક ‘છંદોલય ‘ વિશે પ્રો. સમીર ભટ્ટે અને સાહિત્યસર્જક જયંતિ દલાલના પુસ્તક ‘પાદરનાં તીરથ’ વિશે દ્રષ્ટિ પટેલે પુસ્તકનો આસ્વાદલક્ષી પરિચય કરાવી વક્તવ્ય આપ્યું. આ પ્રસંગે સાહિત્યકારો અને પુસ્તકપ્રેમીઓ ઉપસ્થિત રહ્યાં હતાં. આ કાર્યક્રમને માણવા કોઈપણ પ્રકારની પ્રવેશ ફી રાખવામાં આવી ન્હોતી.
પ્રો. સમીર ભટ્ટ : સાહિત્યસર્જક નિરંજન ભગતના ‘છંદોલય’માં રંગદર્શિતાનો અનુભવ ઘણી જગ્યાએ થાય છે.સજીવ પ્રતીકો દ્વારા ઝૂલણા છંદમાં ભગત સાહેબે અનેરું કામ કર્યું છે.કવિતામાં આવતા કૌંસમાં પણ અભિવ્યક્તિ અલગ પાડે તે નિરંજન ભગત. ‘મૌન’ અને ‘અશ્રુ ‘ આ બે કવિતા ભગત સાહેબે 22 વર્ષના ઉંમરે લખી હતી.જેનો અવાજ ના હોય તેનો અવાજ સાંભળે એ કવિ નિરંજન ભગત.
ડૉ. દ્રષ્ટિ પટેલ : ૧૯૪૨ના બળવા દરમિયાન નંદપરા ગામનાં લોકોએ સ્ટેશન બાળીને બ્રિટિશ સરકાર સામે બળવો પોકાર્યો. સમગ્ર નવલકથા એ પરિસ્થિતિ પ્રત્યેના પાત્રોના આઘાત અને પ્રત્યાઘાતની કથા ‘પાદરનાં તીરથ’ છે. અલ્પ શિક્ષિત, સામાન્ય જનતામાંથી આપમેળે પ્રગટી આવતી માનવતા અને આત્મગૌરવની મૂર્તિઓ એ જ ‘પાદરનાં તીરથ
