~ગાંધીનગર મહાનગરપાલિકા દ્વારા હરિયાળી લોકસભા અભિયાન અંતર્ગત કોલવડા સહિત 50 સ્થળોએ વૈદિક મંત્રોચ્ચાર સાથે સામૂહિક વૃક્ષારોપણ યોજાયું. 12,500થી વધુ વૃક્ષોનું વાવેતર કરવામાં આવ્યું.
Gandhinagar, Gujarat, July 12 (VNI): ગાંધીનગર લોકસભાને ‘હરિયાળી લોકસભા’ બનાવવાના સંકલ્પ સાથે ગાંધીનગર મહાનગરપાલિકા દ્વારા રવિવારે કોલવડા સહિત શહેરના 50 સ્થળોએ વૈદિક મંત્રોચ્ચાર વચ્ચે સામૂહિક વૃક્ષારોપણ કાર્યક્રમનું આયોજન કરવામાં આવ્યું. ‘એક પેડ માઁ કે નામ’ અભિયાન અંતર્ગત યોજાયેલા આ કાર્યક્રમમાં મોટી સંખ્યામાં નાગરિકો, વિદ્યાર્થીઓ અને વિવિધ સંસ્થાઓએ ઉત્સાહપૂર્વક ભાગ લીધો.
કેન્દ્રીય ગૃહ અને સહકારિતા મંત્રી અમિતભાઈ શાહના માર્ગદર્શન હેઠળ યોજાયેલા મુખ્ય કાર્યક્રમનું આયોજન સવારે કોલવડા સ્થિત ગોરા હનુમાન મંદિર ખાતે મેયર મીરાબેન પટેલની ઉપસ્થિતિમાં કરવામાં આવ્યું હતું. આ પ્રસંગે ડેપ્યુટી મેયર નટવરજી ઠાકોર, સ્ટેન્ડિંગ કમિટી ચેરમેન ગૌરાંગભાઈ વ્યાસ, શાસક પક્ષના નેતા અનિલસિંહ વાઘેલા, દંડક સેજલબેન પરમાર, મ્યુનિસિપલ કમિશનર જે. એસ. પ્રજાપતિ સહિત મહાનગરપાલિકાના અધિકારીઓ અને કર્મચારીઓ હાજર રહ્યા હતા.
કાર્યક્રમની શરૂઆત ગાયત્રી પરિવાર અને ઇસ્કોનના પ્રતિનિધિઓ દ્વારા વૈદિક મંત્રોચ્ચાર સાથે ભૂમિપૂજન અને વૃક્ષપૂજનથી કરવામાં આવી હતી. ત્યારબાદ મહાનુભાવો, કોલવડા આયુર્વેદિક કોલેજના વિદ્યાર્થીઓ અને નાગરિકોએ સામૂહિક વૃક્ષારોપણ કર્યું. ગોરા હનુમાન મંદિર ખાતે વન કૃપા ફાઉન્ડેશનના સહયોગથી 12,500થી વધુ વૃક્ષોનું વાવેતર કરવામાં આવ્યું, જેમાં આશરે 6,000 આંબા, 2,000 બોરસલી, 2,000 સીતાફળ તેમજ અન્ય વિવિધ પ્રજાતિના વૃક્ષોનો સમાવેશ થાય છે.
શહેરના અન્ય સ્થળોએ ધાર્મિક અને સામાજિક સંસ્થાઓ, પોલીસ, હોમગાર્ડ, સીઆરપીએફના જવાનો, શાળાના વિદ્યાર્થીઓ, શિક્ષકો અને મોટી સંખ્યામાં નાગરિકોએ પણ વૃક્ષારોપણમાં ભાગ લીધો હતો. નાગરિકોને વિનામૂલ્યે રોપાઓનું વિતરણ કરવામાં આવ્યું તેમજ વાવેલા વૃક્ષોના જતનની પ્રતિજ્ઞા લેવડાવવામાં આવી. મહાનગરપાલિકાએ ત્રણ વૃક્ષ-રથ મારફતે શહેરના વિવિધ વિસ્તારોમાં નિઃશુલ્ક રોપા વિતરણની કામગીરી પણ ચાલુ રાખી છે.
Meta Description: ગાંધીનગર મહાનગરપાલિકા દ્વારા હરિયાળી લોકસભા અભિયાન અંતર્ગત કોલવડા સહિત 50 સ્થળોએ વૈદિક મંત્રોચ્ચાર સાથે સામૂહિક વૃક્ષારોપણ યોજાયું. 12,500થી વધુ વૃક્ષોનું વાવેતર કરવામાં આવ્યું. VNI NEWS, Gandhinagar Tree Plantation, Hariali Loksabha, Ek Ped Maa Ke Naam, Gandhinagar Municipal Corporation, Gandhinagar, Tree Plantation, GMC, Environment, Gujarat,