‘અલગારી રખડપટ્ટી’, ‘નઘરોળ’ પુસ્તકોનો પરિચય આયોજિત

Ahmedabad, Gujarat, Dec 21,  ‘અલગારી રખડપટ્ટી’, ‘નઘરોળ’ પુસ્તકોનો પરિચય કરાવી આસ્વાદલક્ષી વક્તવ્ય આપવામાં આવ્યું.
કવિ મનીષ પાઠક ‘શ્વેત’એ જણાવ્યું કે શનિવારે, સાંજે ૦૫૩૦ કલાકે,ગોવર્ધનસ્મૃતિ મંદિર સભાગૃહ,ગુજરાતી સાહિત્ય પરિષદ,આશ્રમ રોડ, અમદાવાદ ખાતે ઓમ કૉમ્યુનિકેશન દ્વારા ‘પુસ્તક પરિચય’ કાર્યક્રમનું આયોજન કરવામાં આવ્યું.
‘પુસ્તક પરિચય’ અંતર્ગત સાહિત્યસર્જક રસિક ઝવેરીના પુસ્તક ‘અલગારી રખડપટ્ટી’ વિશે સાહિત્યકાર મણિલાલ હ. પટેલે અને સાહિત્યસર્જક સ્વામી આનંદના પુસ્તક ‘નઘરોળ’ વિશે સાહિત્યકાર મનસુખ સલ્લાએ પુસ્તકનો પરિચય કરાવી આસ્વાદલક્ષી વક્તવ્ય આપ્યું. સમગ્ર કાર્યક્રમનું સંચાલન કવિ મનીષ પાઠક ‘શ્વેત’એ કર્યું. આ પ્રસંગે સાહિત્યકારો અને પુસ્તકપ્રેમીઓ ઉપસ્થિત રહ્યાં હતાં. આ કાર્યક્રમને માણવા કોઈપણ પ્રકારની પ્રવેશ ફી રાખવામાં આવી ન્હોતી.
મણિલાલ હ.પટેલ : ‘અલગારી રખડપટ્ટી’માં રસિક ઝવેરીએ રમતિયાળ શૈલીમાં કરુણતા રજૂ કરી છે.ભારતીય સમાજનું ચિત્ર રજૂ કર્યું છે.
મનસુખ સલ્લા : સ્વામી આનંદ ગાંધી કુળના નહીં પણ ગાંધી વાતાવરણના છે. સ્વામી આનંદનું ગદ્ય વિલક્ષણ છે. એ એમના ચરિત્રોમાં મળે છે.