કંકુના સૂરજ’ શીર્ષક હેઠળ સાહિત્યિક વ્યાખ્યાનનું આયોજન

Ahmedabad, Nov 11, કવિ, વાર્તાકાર, નવલકથાકાર રાવજી છોટાલાલ પટેલના ૮૬મા જન્મદિનપ્રસંગે ૧૫ નવેમ્બર કંકુના સૂરજ’ શીર્ષક હેઠળ સાહિત્યિક વ્યાખ્યાનનું Gujarat ના અમદાવાદમાં આયોજન કરવામાં આવ્યું છે.
કવિ મનીષ પાઠક ‘શ્વેત’એ આજે જણાવ્યું કે ૧૫ નવેમ્બર, શુક્રવારે, સાંજે ૦૫૩૦ કલાકે, મીલ ઑનર્સ બિલ્ડિંગ ઑડિટોરીયમ (આત્મા હૉલ), સિટી ગોલ્ડ સિનેમાની સામે, આશ્રમ રોડ, અમદાવાદ ખાતે ગુજરાત સાહિત્ય અકાદમી અને ઓમ કૉમ્યુનિકેશનના સંયુક્ત ઉપક્રમે કવિ, વાર્તાકાર, નવલકથાકાર રાવજી છોટાલાલ પટેલના ૮૬મા જન્મદિનપ્રસંગે ગુજરાત સાહિત્ય અકાદમીના અધ્યક્ષ ભાગ્યેશ જહાના અધ્યક્ષ સ્થાને ‘કંકુના સૂરજ’ શીર્ષક હેઠળ સાહિત્યિક વ્યાખ્યાનનું આયોજન કરવામાં આવ્યું છે.
‘કંકુના સૂરજ’માં રાવજી પટેલનું કથાસાહિત્ય વિશે સાહિત્યકાર મણિલાલ હ. પટેલ અને રાવજી પટેલની કાવ્યસૃષ્ટિ વિશે સાહિત્યકાર હસિત મહેતા વક્તવ્ય આપશે. આ પ્રસંગે સાહિત્યકારો અને સાહિત્યપ્રેમીઓ ઉપસ્થિત રહેશે. આ કાર્યક્રમને માણવા કોઈપણ પ્રકારની પ્રવેશ ફી રાખવામાં આવી નથી.