Surat, Gujarat, Dec 27, ગુજરાતમાં સુરત શહેર એસઓજી એ 3 લોડેડ પિસ્તોલ, ૧ દેસી તમંચો તથા ૧૪ જીવતા કારતૂસ સાથે ર ઈસમો ને ઝડપી પાડ્યા છે.
એસઓજી તરફ થી આજે જણાવવામાં આવ્યું કે એસઓજી ના અધિકારી/માણસોની અલગ-અલગ ટીમો બનાવવામાં આવેલ. જે ટીમો સુરત શહેર વિસ્તારમાં આગામી ૩૧ ડિસેમ્બરની ઉજવણી અનુસંધાને પેટ્રોલીંગમાં હતા. તે દરમ્યાન ASI અનિલભાઇ વિનજીભાઇ તથા HC દામજીભાઇ ધનજીભાઇ નાઓને મળેલ બાતમી આધારે ફ્લેટ નં.૦૪, ગ્રાયત્રી એપાર્ટમેન્ટ, ધ્રુવતારક સોસાયટી, પ્રાણનાથ સોસાયટી પાછળ, વેડરોડ સુરત શહેર ખાતે રેડ કરી આરોપી ધીરજ સાહેબરાવ ગોસાઈ પાસેથી ગેરકાયદેસર પાસ પરવાના વગરની બે પિસ્ટલ તથા એક દેશી તંમચો તથા ૧૧ જીવતા કાર્ટીઝ, મોબાઈલ ફોન નંગ-૧ મળી કુલ્લે કિંમત રૂપિયા ૬૧,૧૦૦/- કબ્જે કરવામાં આવેલ તેમજ તેની પુછપરછમાં સદરહુ હથિયાર ભરત ઉર્ફે પટ્ટી છગનભાઇ મેવાડા નાએ આપેલ હોવાની હકીકત જણાવતા જે આધારે ચોકબજાર વિસ્તાર માંથી ભરત ઉર્ફે પટ્ટી છગનભાઈ મેવાડા રહે. જી-૨ શિવરંજની એપાર્ટમેન્ટ ધ્રુવતારક સોસાયટી વેડરોડ ચોકબજાર સુરત વાળાને ઝડપી પાડી તેની પાસેથી લોડેડ પિસ્ટલ નંગ-૦૧ તથા ૦૩ જીવતા કાર્ટીઝ, તથા મોબાઇલ ફોન નંગ-૦૩ મળી કુલ્લે કિંમત રૂપિયા ૨,૬૬,૪૦૦/- ની મત્તાનો મુદ્દામાલ કબજે કરવામાં આવેલ છે.
એસઓજી દ્વારા ચોકબજાર પો.સ્ટે.માં આર્મ્સ એક્ટ મુજબનો ગુનો દાખલ કરવામાં આવેલ છે.