Ahmedabad, Gujarat, Jun 02, ટોરેન્ટ પાવર લિમિટેડ (TPL) એ વર્ષ ૨૦૨૭ થી ૨૦૩૬ સુધી વૈશ્વિક સંકલિત ઊર્જા કંપની બીપીની પેટાકંપની, બીપી સિંગાપોર Pte. Ltd પાસેથી 0.41 MMTPA એલ.એન.જી.ના પુરવઠા માટે લાંબા ગાળાના ખરીદી અને વેચાણ કરાર (SPA) પર હસ્તાક્ષર કર્યા છે.
ટી.પી.એલ. દ્વારા આ કરાર હેઠળ ખરીદાયેલ એલ.એન.જી. નો ઉપયોગ વ્યૂહાત્મક રીતે કરવામાં આવશે, દેશની વધતી જતી વીજળીની માંગને પહોંચી વાળવા માટે, તેમ જ પીક ડિમાન્ડ સમયને પહોંચી વળવા અને પુનઃપ્રાપ્ય ઊર્જાના સંતુલનને પહોંચી વળવા માટે ભારતમાં તેના ૨,૭૩૦ મેગાવોટના કમ્બાઇન્ડ સાયકલ ગેસ-આધારિત પાવર પ્લાન્ટ્સ (જીબીપીપી) ચલાવવાનો સમાવેશ થાય છે. આ કરારથી ટોરેન્ટ ગ્રુપના સિટી ગેસ ડિસ્ટ્રિબ્યુશન (સી.જી.ડી.) એકમ – ટોરેન્ટ ગેસ લિમિટેડ (ટી.જી.એલ.) ને એલ.પી.જી.ની વધતી માંગને પુરી કરવામાં મદદ મળશે, જેના થકી કંપની ઘરેલુ, વાણિજ્યિક અને ઔદ્યોગિક એકમોના ગ્રાહકો ઉપરાંત સી.એન.જી વાહનો માટે ગેસનો પુરવઠો સુનિશ્ચિત કરી શકાશે.
આ કરાર એક મહત્વપૂર્ણ વ્યૂહાત્મક પગલું છે, જે ટોરેન્ટની સ્વચ્છ ઉર્જા માટેની પ્રતિબદ્ધતાની પુષ્ટી કરે છે, સાથે જ લાંબા ગાળાના વીજ ઉત્પાદન અને ગેસ વિતરણ માટે સ્પર્ધાત્મક કિંમતવાળા એલ.એન.જી. સુરક્ષિત કરે છે. આ ઉપરાંત આ કરાર વર્ષ ૨૦૩૦ સુધીમાં ઊર્જા મિશ્રણમાં કુદરતી ગેસની ભાગીદારીને ~૧૫% સુધી વધારવાની સાથે સાથે ભારતની ઊર્જા સુરક્ષાને મજબૂત બનાવવાના ભારત સરકારના લક્ષ્યાંકને પૂર્ણ કરવામાં મહત્વપૂર્ણ ફાળો આપશે.
એલ.એન.જી.ના ભાવમાં ઘટાડાનો લાભ ઉઠાવતા ટી.પી.એલ., અને તે સાથે ટી.જી.એલ. મળીને ક્રમશઃ જી.બી.પી.પી. અને સી.જી.ડી. નેટવર્ક્સની વધતી માંગના જવાબમાં મધ્યમ અને દીર્ઘકાલીન એલ.એન.જી. પ્રાપ્તિના વિકલ્પો સુનિશ્ચિત કરવાનો ઉદ્દેશ્ય ધરાવે છે, જેનું મુખ્ય લક્ષ્ય પોતાના પોર્ટફોલિયોની વિવિધતા વધારવા અને ગ્રાહકોની ઊર્જા માંગની જરૂરિયાતોને વિશ્વસનીય રીતે પૂર્ણ કરવાનો છે.
ટોરેન્ટ પાવર અંગે માહિતી: ટોરેન્ટ પાવર એ ₹૪૫,૦૦૦ કરોડની વાર્ષિક આવક ધરાવતા ટોરેન્ટ ગ્રુપની ₹૨૯,૧૬૫ કરોડની ઇન્ટિગ્રેટેડ પાવર યુટિલિટી ધરાવતી એક પ્રમુખ કંપની છે. જે દેશના પાવર સેક્ટરની સૌથી મોટી કંપનીઓ પૈકીની એક છે અને પાવર જનરેશન, ટ્રાન્સમિશન અને ડિસ્ટ્રિબ્યુશનની સમગ્ર પાવર વેલ્યુ ચેઈન ધરાવે છે.
ઉત્પાદન: કંપનીની કુલ સ્થાપિત પાવર ઉત્પાદન ક્ષમતા ૪,૮૩૮ મેગાવોટ છે, જેમાં ૨,૭૩૦ મેગાવોટ ગેસ આધારિત પાવર ઉત્પાદન ક્ષમતા, ૧,૭૪૬ મેગાવોટ રિન્યુએબલ આધારીત પાવર ઉપ્તાદન ક્ષમતા અને ૩૬૨ મેગાવોટ કોલસા આધારિત પાવર ઉત્પાદન ક્ષમતાનો સમાવેશ થાય છે. વધુમાં ૩,૧૫૪ મેગાવોટના રિન્યુએબલ પ્રોજેક્ટ્સ અને ૩,૦૦૦ મેગાવોટ ની પંપ સ્ટોરેજ ક્ષમતાના કામો પ્રગતિમાં છે. જે પ્રોજેક્ટ્સ કાર્યરત થતા જ કંપનીની પાવર ઉત્પાદન ક્ષમતા ૭,૯૯૨ મેગાવોટ અને પંપ સ્ટોરેજ ક્ષમતા ૩,૦૦૦ મેગાવોટ થશે.
વિતરણ: કંપની ગુજરાતના અમદાવાદ, ગાંધીનગર, સુરત, દહેજ SEZ અને ધોલેરા SIR, કેન્દ્ર શાસિત પ્રદેશ દાદરા અને નગર હવેલી, દમણ અને દીવ (DNH અને DD), મહારાષ્ટ્રનાં ભિવંડી, શીલ, મુંબ્રા અને કલવા અને ઉત્તર પ્રદેશના આગ્રા સહિતના શહેરોમાં ૪.૨૧ મિલિયનથી વધુ ગ્રાહકોને લગભગ ૩૧ બિલિયન યુનિટ્સ વિજળીનું વિતરણ કરે છે.
ટોરેન્ટ પાવરની વ્યાપકપણે ભારતમાં અગ્રણી વીજળી વિતરક કંપનીઓમાં ગણના થાય છે અને ગુજરાતમાં કંપનીના લાયસન્સવાળા વિસ્તારોમાં દેશમાં સૌથી ઓછી AT&C ખોટ અને શ્રેષ્ઠ વિશ્વસનીયતા સૂચકાંકો ધરાવવાનું ગૌરવ ધરાવે છે.
