સબ-જૂનિયર બોયઝ ઇન્ટર-ડિસ્ટ્રિક્ટ ફૂટબોલ ટુર્નામેન્ટમાં કચ્છ, બરોડા, ભાવનગર, અમદાવાદ, વલસાડ, રાજકોટ, સુરત અને ગાંધીનગર ક્વાર્ટર ફાઇનલમાં

~ગુજરાતના ગાંધીનગર ખાતે યોજાઈ રહેલી સબ-જૂનિયર બોયઝ ઇન્ટર-ડિસ્ટ્રિક્ટ ફૂટબોલ ટુર્નામેન્ટ-2026માં કચ્છ સહિત આઠ જિલ્લાની ટીમો ક્વાર્ટર ફાઇનલમાં પહોંચી.

Gandhinagar, Gujarat, Aug 30 (VNI): ગુજરાત સ્ટેટ ફૂટબોલ એસોસિએશન દ્વારા ગાંધીનગર ખાતે આયોજિત સબ-જૂનિયર બોયઝ ઇન્ટર-ડિસ્ટ્રિક્ટ ફૂટબોલ ટુર્નામેન્ટ-2026માં કચ્છ, બરોડા, ભાવનગર, અમદાવાદ, વલસાડ, રાજકોટ, સુરત અને ગાંધીનગર જિલ્લાની ટીમોએ ક્વાર્ટર ફાઇનલમાં પ્રવેશ મેળવ્યો છે.
ગુજરાત સ્ટેટ ફૂટબોલ એસોસિએશનના સેક્રેટરી મૂલરાજસિંહ ચુડાસમાના જણાવ્યા અનુસાર આજે લીગ રાઉન્ડના અંતિમ મુકાબલા રમાયા હતા. જેમાં વલસાડની ટીમે છોટાઉદેપુર જિલ્લાની ટીમને 2-1થી, જામનગરની ટીમે મોરબી જિલ્લાની ટીમને 16-2થી અને સુરત જિલ્લાની ટીમે આણંદની ટીમને 7-0થી હરાવી હતી.
આવતીકાલે રમાનારી ક્વાર્ટર ફાઇનલમાં કચ્છની ટીમ બરોડા સામે, ભાવનગરની ટીમ અમદાવાદ સામે, વલસાડની ટીમ રાજકોટ સામે અને સુરતની ટીમ ગાંધીનગર સામે મેદાનમાં ઉતરશે.
ટુર્નામેન્ટની ફાઇનલ મેચ 2 સપ્ટેમ્બરના રોજ રમાશે. આ ટુર્નામેન્ટમાંથી ગુજરાતની નેશનલ ટીમના કેમ્પ માટે ખેલાડીઓની પસંદગીની પ્રક્રિયા પણ હાથ ધરવામાં આવી રહી છે. VNI NEWS, Gujarat Football, Sub Junior Boys Football, Inter District Football Tournament 2026, Gujarat State Football Association, Gandhinagar Football, Kutch Football, Baroda Football, Surat Football, Gujarat Sub Junior Boys Football Tournament, Gujarat Football Association, VNINews, VNINews.com