જીટીયુ દ્વારા સોશિયલ મીડિયા ઓરિએન્ટેશન પ્રોગ્રામનું આયોજન

~ગુજરાત ટેક્નોલોજિકલ યુનિવર્સિટી (GTU), અમદાવાદ દ્વારા ડિજિટલ સંવાદ, સોશિયલ મીડિયા મેનેજમેન્ટ અને સંસ્થાકીય ઓળખ મજબૂત બનાવવા સોશિયલ મીડિયા ઓરિએન્ટેશન પ્રોગ્રામ યોજાયો.
Ahmedabad, Gujarat, Oct 28 (VNI) : ગુજરાત ટેક્નોલોજિકલ યુનિવર્સિટી (જીટીયુ), અમદાવાદ દ્વારા ડિજિટલ યુગમાં અસરકારક સંવાદ અને સંસ્થાકીય ઓળખને વધુ મજબૂત બનાવવાના ઉદ્દેશ્ય સાથે સોશિયલ મીડિયા ઓરિએન્ટેશન પ્રોગ્રામનું આયોજન કરવામાં આવ્યું હતું. યુનિવર્સિટીના મીડિયા સેલ દ્વારા આયોજિત આ કાર્યક્રમમાં જીટીયુના વિવિધ વહીવટી અને શૈક્ષણિક વિભાગોના પ્રતિનિધિઓએ ભાગ લીધો હતો.
ગુજરાત રાજ્ય સરકારની પ્રતિષ્ઠિત સ્ટેટ યુનિવર્સિટી જીટીયુને નેશનલ એસેસમેન્ટ એન્ડ એક્રેડિટેશન કાઉન્સિલ (NAAC) દ્વારા A+ ગ્રેડની માન્યતા પ્રાપ્ત છે. ઉચ્ચ શિક્ષણ, સંશોધન, નવીનતા અને ટેકનોલોજીના ક્ષેત્રમાં કાર્યરત જીટીયુ દ્વારા આયોજિત આ કાર્યક્રમનો મુખ્ય ઉદ્દેશ્ય સોશિયલ મીડિયાના વ્યૂહાત્મક અને જવાબદાર ઉપયોગ અંગે વિભાગીય પ્રતિનિધિઓને માર્ગદર્શન પૂરું પાડવાનો હતો.
કાર્યક્રમ દરમિયાન સોશિયલ મીડિયા નિષ્ણાત દ્વારા શૈક્ષણિક સંસ્થાઓ માટે સોશિયલ મીડિયાના અસરકારક ઉપયોગ અંગે માર્ગદર્શન આપવામાં આવ્યું હતું. તેમાં યુનિવર્સિટીની શૈક્ષણિક પ્રવૃત્તિઓ, સંશોધનકાર્યો, નવીન પહેલો, વિદ્યાર્થીઓની સિદ્ધિઓ અને વિવિધ કાર્યક્રમોને ડિજિટલ પ્લેટફોર્મ દ્વારા વધુ વ્યાપક પ્રેક્ષકવર્ગ સુધી પહોંચાડવાની રીતો પર ભાર મૂકવામાં આવ્યો હતો.
સંસ્થાકીય સોશિયલ મીડિયા પ્લેટફોર્મ પર યોગ્ય માહિતીની પસંદગી, આકર્ષક વિઝ્યુઅલ ડિઝાઇન, સ્પષ્ટ અને અસરકારક ભાષા, કૅપ્શન લેખન, હૅશટૅગનો યોગ્ય ઉપયોગ તથા ફોટોગ્રાફ્સ અને વીડિયો દ્વારા માહિતીની રજૂઆત જેવા મહત્ત્વપૂર્ણ વિષયો પર ચર્ચા કરવામાં આવી હતી. આ ઉપરાંત, સોશિયલ મીડિયા પર નિયમિત અને સુવ્યવસ્થિત સંચાર જાળવવા, માહિતીની વિશ્વસનીયતા સુનિશ્ચિત કરવા, સંસ્થાની ગરિમા જાળવવા, ડિજિટલ શિષ્ટાચારનું પાલન કરવા અને સોશિયલ મીડિયા નીતિ અનુસાર કાર્ય કરવા અંગે પણ માર્ગદર્શન આપવામાં આવ્યું હતું.
જીટીયુના આ પ્રયાસનો મુખ્ય હેતુ યુનિવર્સિટીના વિવિધ વિભાગો વચ્ચે ડિજિટલ સંકલન વધારવાનો, શૈક્ષણિક અને સંસ્થાકીય પ્રવૃત્તિઓને વધુ અસરકારક રીતે પ્રસ્તુત કરવાનો તથા યુનિવર્સિટીની સિદ્ધિઓ અને નવીન પહેલોને સોશિયલ મીડિયા મારફતે વ્યાપક પ્રેક્ષકવર્ગ સુધી પહોંચાડવાનો છે. આ ઓરિએન્ટેશન પ્રોગ્રામ દ્વારા વિભાગીય પ્રતિનિધિઓને સોશિયલ મીડિયાના સર્જનાત્મક, જવાબદાર અને પરિણામલક્ષી ઉપયોગ અંગે સમજ કેળવવાની તક મળી હતી. VNI NEWS, Gujarat Technological University, GTU Ahmedabad, Social Media Orientation Programme, GTU Media Cell, Digital Communication, Social Media Management, GTU News, GTU, Gujarat Technological University, GTU Ahmedabad, Social Media Orientation, GTU Media Cell, Digital Communication, Higher Education, Gujarat Education, Social Media Management, VNINews, VNINews.com